मंगलबार, ०५ असोज २०७८

प्रदेश पाँचको राजधानी भालुवाङको पक्षमा दुइतिहाई

रुपन्देही २० असोज । प्रदेश नम्बर ५ ले आज स्थायी राजधानी पाएको छ । प्रदेश सभाको आजको बैठकले प्रदेश नम्बर ५ को नाम लुम्विनी र राजधानी दाङको भालुवाङ राख्ने निर्णय गरेको हो ।

८७ सदस्यीय प्रदेश सभामा भालुवाङको पक्षमा ६९ मत परेको छ । जुन प्रदेश सभाको दुइ तिहाई हो । बिपक्षमा १३ मत परेको छ । मतदान प्रकृयामा ८२ जना प्रदेश सभा सदस्यले भाग लिएका थिए ।

संबिधान अनुसार दुई तिहाई बहुमतले प्रदेशको स्थायी राजधानी दाङको भालुवाङ चयन भएको सभामुख पूर्णबहादुर घर्तिले घोषणा गर्नुभयो । प्रदेशको नाम लुम्विनी रहने निश्चित छ ।

यद्यपी मतदानको प्रकृया चलिरहेको छ । करिब ३ बर्ष अघि शेरबहादुर देउवा नेतृत्वको सरकारले प्रदेश नम्बर पाँचको अस्थायी राजधानी रुपन्देहीलाई तोकेको थियो ।  
 

प्रतिक्रिया दिनुहोस